منتديات منة الله


مرحبا بك من جديد يا زائر فى منتديات فور يو لايك
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 ولا يحيطون بشئ من علمه

اذهب الى الأسفل 
كاتب الموضوعرسالة
محمد منسى
مــراقــب الأدبــيــة مــراقــب الأدبــيــة
avatar

عدد الرسائل : 1067
تاريخ التسجيل : 25/07/2008

مُساهمةموضوع: ولا يحيطون بشئ من علمه   الأحد يوليو 27, 2008 3:11 pm


ولا يحيطون بشئ من علمه



إن الحمد لله نحمده ونستعينه و نستهديه ونستغفره، ونعوذ بالله من شرور أنفسنا وسيئات أعمالنا، من يهده الله فلا مضل له، ومن يضلل فلن تجد له وليا مرشدا
رب اشرح لي صدري، و يسر لي أمري، و احلل عقدة من لساني، يفقهوا قولي
اللهم لا علم لنا الا ماعلمتنا.. اللهم انا نسألك علما نافعا و قلبا خاشعا.. و جسدا على البلاء صابرا
اللهم أجر الحق على ألسنتنا.. اللهم أيدنا بالحق و أيد الحق بنا..
اللهم اجعلنا من الذين يستمعون القول فيتبعون أحسنه
اللهم لك الحمد حمدا كثيرا طيبا أن هديتنا و ما كنا لنهتدي لولا أن هديتنا..
لماذا خلقنا..
السؤال الأزلي..
خلقنا.. لنعرف الله.. و نعبده حق عبادته.. هو ينفع أعبد الله و انا ما اعرفوش؟..
لازم اعرفه كويس جدا..
ناس كتير قلقانة و بتسأل… انا بالتزم.. و بارجع اعصى تاني.. و التزم و ارجع اعصى تاني.. أو مش قادر اني اواظب على الصلاة.. أو باصلي.. بس قلقان.. و مش سعيد.. و مكتئب. بالرغم من اني باذكر الله.. هو مش القلوب بتطمئن بذكر الله؟.. طب ليه أنا قلبي مابيطمئنش بذكر الله؟..
اقولك .. اقرا الاية كويس..
الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ (2 “ الرعد
مين اللي تطمئن قلوبهم بذكر الله؟.. الذين آمنوا..
آمنوا.. عرفوا الله حق معرفته..
قصدك يعني انى ما اعرفش ربنا؟.. ازاي يا عم مانا مسلم و موحد.. حتى اهه.. لااااا اله الا الله.. من قلبي والله..
يا سيدي ماحدش قال حاجة.. بارك الله فيك..و ثبتك..
و لكن مش دي المعرفة اللي الآية بتتكلم عليها..
المعرفة المقصودة هي انك تعرف الله و تحبه و تتعلق بيه وحده..
تحب اثبت لك انك ماتعرفوش كويس؟..
لو حد طلب منك تتكلم لمدة ساعة عن الله و عن أسماءه الحسنى و معانيها.. تقدر؟ غممزة
طيب هو اللي بيحب حد.. مش يعرف أحب أسمائه اليه؟..
شفت بقى؟.. ماهو لو فعلا تعرفه.. ماكنتش تقدر ماتحبوش.. ماكنتش تقدر ماتتعلقش بيه..
يوم ماتحبه.. ساعتها فعلا.. يطمئن قلبك لذكره.. لأنك بتفتكر انه دايما .. جنبك..
طيب يا سيدي عرفنا..
ازاي بقى.. ازاي أعرف ربنا.. ازاي اعرف الله؟..
بالعقيدة.. اني أعرف عقيدة .. اتعلم عقيدتي صح..
العقيدة أصل من أصول الإسلام.. أصل.. تخيل ان الفقه مثلا فرع؟.. يعني العقيدة أهم من الفقه.. ليه؟..
علم النفس الحديث.. بيقول ان شخصية الإنسان عبارة عن مجموعة عادات..
و ان العادات بتنشأ من أفكار الشخص و قناعاته.. يعني أفكارك و قناعاتك هي اللي بتتحكم في عاداتك و تصرفاتك.. يوم ماتكون القناعات و الأفكار دي صحيحة.. تصرفاتك تبقى صحيحة.. أوتوماتيك.. عشان كده العقيدة مهمة..
إذا صحت العقيدة.. صح العمل كله.. و إذا فسدت العقيدة.. فسد سائر العمل..
ازاي برضه؟..
مثلا..
فإذا اعتقدت مثلاً أن الله تعالى قبض قبضة وقال هذه إلى الجنة ولا أبالي وقبض قبضة وقال هــذه إلـى النار ولا أبالي والقضية انتهت ، هذه العقيدة تثبط همة المؤمن ..ً.
عشان كده.. هانبدأ مع بعض.. سلسلة لقاءات في العقيدة.. نتعلم سوا.. ازاي نعرف ربنا..
بداية.. عشان أعرف ربنا.. محتاج أعرف نفسي الأول.. فمن عرف نفسه.. عرف ربه..
ايه هي النفس؟
النفس هي ذات الإنسان ......
تعالى كده نتأمل الإنسان ده.. الإنسان ده كائن عجيب.. مخلوق من نوع خاص.. vip.. الكون كله بسمواته بأراضيه مسخر للإنسان..
يا ترى ايه أعز و أغلى عند الله.. الإنسان؟.. والا الكون بأجمعه؟..
الإنسان طبعا.. لأن ربنا سخر له كل الكون.. و طبعا المُسخر لَه أكرم من المُسَخَر
فيقول الله تعالى عن الإنسان:
وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً (70)” الإسراء
وأيضاً :
إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُوماً جَهُولاً (72)” الأحزاب
الإنسان اللي ربنا كرمه ده.. اداله وسائل للتكريم..
و منها “الإدراك”.. ربا كرمه بالإدراك..
الإنسان له قوة ادراكية.. الحيطة و المكتب و الأشجار.. دي مخلوقات لا تدرك.. فربنا فضل الإنسان على سائر المخلوقات بالإدراك..
مثلا.. القرد.. ايه الفرق بين الإنسان و القرد؟.. غير الديل طبعا :هع:
مجتمع القرود من يوم ماربنا خلقهم و هما قرود.. هل تطورت حياتهم؟.. تطور بمعنى ان بقى لهم مجتمعات و مؤسسات اجتماعية .. هل سكنوا في بيوت؟.. هل اخترعوا اجهزة؟
القرد هو القرد من يوم ماربنا خلقه.. لأن فيه فرق بينه و بين الإنسان.. الإدراك..
الإدراك.. هو انسانية الإنسان.. من غير ادراك.. يوم مايتعطل الإدراك.. خلاص.. مابقاش انسان.. بقى زيه زي الحيوان بالظبط..
طيب هو الإدراك ممكن يتعطل فعلا؟.. ايوة..
الإدراك فيه مشكلة.. انه عالة.. مايقدرش يشتغل لوحده.. الإدراك عالة على المحيط الخارجي و المحيط الداخلي.. بمعنى ان الإدراك من غير محيط خارجي أو محيط داخلي.. مالوش لازمة.. خلاص وظيفته اتعطلت..
طيب ايه هو المحيط الخارجي و المحيط الداخلي و الكلام الكبير قوي ده ؟رغااي
المحيط الخارجي هو العالم من حواليك.. ربنا عمل للبني آدم شبابيك.. أو أبواب.. يطل منها على العالم من حواليه..
ايه هي الأبواب دي؟.. البصر.. و الشم و السمع و الذوق و الإحساس بالحرارة والبرودة وكمان الضغط وكل الأعصاب والحواس هي أبواب القوة الإدراكية على العالم الخارجي ،
و لو تخيلنا ان انسان ربنا اداله كل الذكاء اللي في الدنيا.. ذكاء البشر كلهم.. لكنه كان كفيف.. مابيشوفش.. يا ترى يقدر يعرف اللون الأحمر؟.. و ايه الفرق بينه و بين اللون الأخضر؟.. و يا ترى يعرف ايه الأجمل؟.. اللون الأزرق والا البنفسجي؟. طبعا لأ
تلاقي ان كلمات زي أحمـر - وأخضـر - وأزرق - وبنفسـجي ، وأبيـض وغيـره من الكلمات دي ،
مالهاش عنده أي معنى.. لأن الباب مقفول.. باب البصر مقفول.. و قوة إدراك الألوان محتاجة الباب ده يكون مفتوح..
و كذلك لو سألت واحد اصم مابيسمعش.. يا ترى صوت البلبل أجمل والا صوت الغراب؟.. يقدر يجاوب؟.. ابدا..
مهما كان متميزاً بالذكاء والنـوافذ المطلة على العالم الخارجي مغلقة فـالإدراك منعـدم .
عشان كده يقول الله تعالى :
وَمَثَلُ الَّذِينَ كَفَرُواْ كَمَثَلِ الَّذِي يَنْعِقُ بِمَا لاَ يَسْمَعُ إِلاَّ دُعَاء وَنِدَاء صُمٌّ بُكْمٌ عُمْيٌ فَهُمْ لاَ يَعْقِلُونَ (171)” البقرة
لا يعقلون.. لأن الإدراك محتاج سمع و بصر و نطق.. و لما يكون الواحد أصم و أبكم و أعمى.. فهو لا يعقل.. عشان كده دايما تلاقي الآيات تربط بين انعدام الحواس و انعدام العقل.. :nothere:
إِنَّ شَرَّ الدَّوَابِّ عِندَ اللّهِ الصُّمُّ الْبُكْمُ الَّذِينَ لاَ يَعْقِلُونَ (22) “ الأنفال
طيب.. عرفنا ان ربنا كرمنا بالإدراك.. و أنعم علينا بالأبواب اللي تخلي الإدراك ده يشتغل ..
طيب هل الأبواب دي أو الحواس دي مالهاش حدود؟..
يقول الله تعالى :
إِنَّا كُلَّ شَيْءٍ خَلَقْنَاهُ بِقَدَرٍ (49)” القمر
الحواس دي ربنا خلقها بقدر.. بحدود.. ازاي يعني؟..
دلوقت انت لما بتيجي تشرب كباية مية.. قبل ماتشربها.. بص فيها.. شايف ايه؟.. صافية و زي الفل اهو
طيب لو خدنا نقطة من نفس المية دي و حطيناها تحت الميكروسكوب.. بص عليها تاني.. شايف ايه؟ يا خبر .. آلاف و مئات الإلوف من الجراثيم والبكتريات والـعصيات ، انت لو مسكت كل كباية مية قبل ماتشربها و فحصتها تحت الميكروسكوب.. مش هاتشرب مية في حياتك خالص..
تستنتج ايه من ده؟.. ان قدرة الإبصار محدودة.. انت تقدر تشوف الأشياء على بعد 100 متر أو 200 متر على الأكتر.. و بعد كده ماتقدرش تشوف حاجة..
و دكتور العيون لما بتروحله بيقيس حدود القدرة دي.. بيحط لك اللوحة بينك و بينها حوالي 5 متر او اكتر فتشوف الفتحات اللي في الدوائر الكبيرة.. و كل ما صغرت الدوائر بقى أصعب عليك انك تشوف الفتحات. لغاية ما ماتقدرش تميزها خالص..
اذن قدرة البصر.. ليها حدود .. هل ده عيب؟.. هل ده نقص؟؟.. لا والله تخيل ان دي نعمة؟..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
مــراقــب الأدبــيــة مــراقــب الأدبــيــة
avatar

عدد الرسائل : 1067
تاريخ التسجيل : 25/07/2008

مُساهمةموضوع: رد: ولا يحيطون بشئ من علمه   الأحد يوليو 27, 2008 3:12 pm


إِنَّا كُلَّ شَيْءٍ خَلَقْنَاهُ بِقَدَرٍ
نعمة لأن اللي حط الحدود دي هوالله العزيز، العليم، الخبير، البصير ، الحكيم ..
تخيل معايا كده لو زادت قوة الإبصار كده ايه اللي ممكن يحصل؟
كان حد طاق يبص في وش حد؟ ببخخ
انت عارف.. لو جيت تبص على يعني أنعم منطقة في الجلد تحت الميكروسكوب هتشوف ايه؟.. جبااال و وديان .. منظر لا يطاق J
يعني ماكانش حد حب حد.. ولا طاق يبص في وش حد.. و لفقد من الحياة معنى الجمال.. مافيش جمال.. لأنك شايف كل حاجة على حقيقتها..
شفت ازاي ان قوة الابصار المحدودة تعتبر نعمة من نعم الله عز وجل .
تعرف ان الهوا مليان صور؟.. شايفها؟.. مش مصدقني؟.. امال الصورة اللي بيلقطها التلفزيون دي بتيجي منين؟.. مش كانت موجات في الهوا؟.. تخيل انك تقدر تشوف الصور دي.. كان ايه اللي يحصل؟..
الهوا مليان بالأصوات؟.. بتقدر تسمعها؟.. اذاعات العالم كله عبارة عن موجات في الهوا.. الراديو بيلقطها. و ودنك اللي ربنا خلقهالك ماتقدرش.. تخيل لو كان السمع غير محدود و كنت تقدر تسمع الموجات دي في الهوا.. كان يحصل ايه؟.. كنا نتجنن.. تخيل انك سامع اذاعات العالم كلها في نفس الوقت..
نعمة من الله سبحانه و تعالى..
نعمة ان الحواس محدودة.. تخيل لو حاسة السمع بس مالهاش حدود.. تخيل انت قاعد في بيتك و سامع صوت خناقة في الصين.. و صوت كل موتور عربية في أمريكا.. و صوت شلالات نياجرا في كندا و و و .. تخيل انك سامع كل الأصوات اللي على الكرة الأرضية من شمالها لجنوبها لشرقها لغربها في نفس الوقت؟.. كانت الحياة تبقى مستحيلة..
إِنَّا كُلَّ شَيْءٍ خَلَقْنَاهُ بِقَدَرٍ .
ربنا سبحانه و تعالى خلق الموجات الصوتية بتضعف و تتلاشى بعد مسافة معينة.. زي لما ترمي طوبة في المية في بحيرة مثلا أو في النيل.. بيحصل ايه؟.. بتلاقي موجات صغيرة في صورة دواير.. بتطلع و تكبر لغاية ماتختفي و مركزها مطرح ما الطوبة نزلت.. موجات الصوت ربنا خلقها كده .. تكبر و تتلاشى.. الكلام ده على الأرض.. و سبحان الله.. ربنا برضه خلى نفس الموجة تحافظ على قوتها ولا تتلاشى في الفضاء برة كوكب الأرض..
بدليل انهم بعتوا مركبة فضائية لكوكب المشترى بسرعة 40000 كم في الساعة مشيت 6 سنين لغاية ماوصلت للمشترى.. و أرسلت صور لكوكب الأرض من هناك.. و تخيل ان الموجات المحملة عليها الصور دي فضلت ثابته و سعتها لم تقل لغاية ماوصلت للأرض.. تخيل لو ان الموجات الصوتية على الأرض فضلت محافظة على سعتها و قوتها.. كان يحصل ايه؟..
إِنَّا كُلَّ شَيْءٍ خَلَقْنَاهُ بِقَدَرٍ
وكذلك الســمع والبصـر والشـم ، فالشـم محـدود أيضـاً فـلو أن الإنسـان يشـم الروائـح الكريـهة لمســـافـات بعيـدة كرائحـة دابـة ميتة فـي بلد آخر فتصبح الحياة في بلدك مستحيلة ولكن حكمة رب العالمين إذا كانت رائحة كريهة على بعد 200 م فإنها تنتهي وتتلاشى ، فـراكب السـيارة قد يشم رائحة كريهة في طريقه ، وبعد لحظات يبتعد عنها وتنتهي الرائحة ،
اذا يبقى احنا اتفقنا ان ربنا كرم الإنسان بالقوة الإدراكية.. و ادى القوة الإدراكية دي الأبواب اللي محتاجاها عشان تشتغل.. اللي هي الحواس.. و من نعم ربنا انه خلى الحواس دي محدودة ..
طيب مادامت الحواس دي محدودة..
هل ننكر الأشياء الغير محسوسة؟.. اللي حواسنا ماتقدرش تدركها؟..
ازاي؟..
مثلا.. فيه أجهزة دلوقت لطرد الحشرات زي الناموس.. و القوارض و الفئران.. الأجهزة دي بتشتغل بانها بتصدر أصوات تزعج الحشرات و الفئران .. لكن مايسمعهاش الإنسان.. فلما تسمعها الحشرات أو الفئران.. تهرب..
هل أقدر انكر ان فيه صوت لأني مش سامعه؟.. طبعا لأ.. انا مش سامعه.. لكن شايف بعيني أثره.. شايف الحشرات و الفئران بتهرب..
يبقى مش معنى اني مش حاسس بالحاجة انه مش موجودة.. أو كما يقول عـلماء التوحيد : “ عدم الوجدان لايدل على عدم الوجود “ .
حد يقدر ينكر ان فيه قوة جذب بين الأرض و الشمس؟.. هل فيه حد فينا شايف حبل ممدود من الشمس للأرض و ماسكهم ببعض؟.. هل حد فينا شايف حبل متثبت في الأرض و متعلق فيه القمر مثلا . زي البلونة كده ؟واه يابووو
هل معنى اني مش شايفها انها مش موجودة؟.. لأ.. “ فعدم الوجدان لايدل على عدم الوجود “ حقيقة مسلم بها.
مثال : معلم أراد أن يـبث الإلحـاد فـي طلابه فقال : نحن لم نشاهد الخالق فإذاً هو غير موجود ، فقام طفل وقال لهذا الاستاذ : نحن جميعاً لا نرى عقلك الذي تفكر به إذاً أنت لا عقل لك ،
قياسا على القاعدة دي.. هل احنا بنشوف العقل؟.. لأ.. لكن بنشوف آثاره.. يعني نقول الشخص ده عنده عقل والا لأمن تصرفاته… لكن احنا مش شايفين عقله ذاته..
يعني لو واحد ماشي مثلا في الشارع عريان تماما.. ده.. عنده عقل؟؟
نقول أن لا عقل له..
طيب.. اتكلمنا عن الإدراك و قلنا انه عالة على المحيط الخارجي.. و الداخلي..
اتكلمنا و قلنا انه بيطل عن المحيط الخارجي عن طريق أبواب زي السمع و البصر و الشم.. و الحواس بصفة عامة.. و قلنا ان من نعم الله علينا ان الحواس دي محدودة.. و مش معنى اننا لا نحس بشئ معين انه مش موجود.. و لكن نستدل عليه من آثاره..
طيب.. امال ايه المحيط الداخلي بقى؟.. و علاقته ايه بالإدراك؟..
المحيط الداخلي هو نفسي من جوة.. مشاعري.. الغضب.. الخوف.. الرجاء.. الحزن.. القلق.. الكبر..
المشاعر دي الإنسان بيحسها عن طريق العالم الداخلي.. يعني جواه.. يبقى أكيد فيه نوافذ داخلية.. زي مافيه نوافذ خارجية..
زي البيت مثلا.. البيت بيبقى له نوافذ على الشارع.. و في نفس الوقت.. فيه جواه منور مثلا.. بيبقى فيه نوافذ داخلية على المنور..
طيب ايه هي النوافذ دي.. من أهم النوافذ دي.. الخيال..
ايه هو الخيال؟.. الخيال هو القدرة على التصور.. لما بتقعد كده و تسرح مع نفسك..و تتخيل مثلا انك عايش في قصر.. و القصر ده له جنينة.. فيها اشجار شكلها عامل مش عارف ازاي.. و الورد الوانه مش عارف مالها.. و فيه حمام سباحة و و و.. هل دي حقيقة؟.. لأن دي مجرد صورة جواك.. خيال.. صورة انت ماعندكش حاجة منها في الواقع..
طيب هل خيال الإنسان غير محدود؟.. والا برضه له حدود زي الحواس الأخرى؟..
ايه رأيك؟؟
طب تعالى نجرب.. لو قلت لك عاوزك تتخيل بيت.. هاتتخيل ايه؟..
4
حيطان.. و سقف.. أرض.. هل ممكن تتخيل حاجة تانية؟
طيب لو قلت لك عاوزك تتخيل لي عروسة البحر مثلا.. هاتتخيل ايه؟.. ايه اللي هييجي في بالك؟..هاتتخيل كائن نصه واحدة ست.. و نصه ديل سمكة..
في المثال الأول.. انت تخيلت شئ موجود.. البيت دي حاجة موجودة و كلنا شفناها..
طيب.. عروسة البحر موجودة؟.. حد شافها؟.. امال تخيلناها ازاي؟..
لأ استنى.. ماهو تعالى شوف انت تخيلت ايه؟.. تخيلت كائن نصه واحدة ست و نصه ديل سمكة.. المرأة.. موجودة.. و شفتها.. و عارف شكلها.. و السمكة .. موجودة و شفتها و عارف شكلها.. كل اللي حصل انك ركبت صورة على صورة.. فطلعت بعروسة البحر.. لكن ماجبتش حاجة من فراغ رععب
يعني الخيال البشري لا يستطيع بأي حال من الأحوال أن يخلق شئ من لا شئ..
يعني أقصى مايمكنك أن تتخيله عن أشجار الجنة مثلا.. شجر التفاح مثلا.. شجرة.. و متعلق بدل التفاح قزايز عصير تفاح مثلا ..
الشجر موجود و شفناه.. و القزايز موجودة و شفناها..
دايما الخيال مرتبط بالواقع.. و بمدى خبرة الإنسان.. يعني مثلا.. أيام سيدنا نوح مثلا.. هل كان فيه حاجة اسمها خيال علمي؟ هل كان ممكن انسان يتخيل ان فيه حياة على الكواكب الأخرى و يتخيل المخلوقات هناك؟.. ماحصلش ولا سمعنا بأي حاجة من دي..و لكن الخيال العلمي و هو صورة متقدمة من الخيال.. ظهرت مع تطور الإنسان و تطور خبراته و تطلعه الى غزو الفضاء..
و حتى مع الخيال العلمي.. حاول تتخيل لي كده كائن من كوكب تاني؟.. ارسم الصورة في خيالك كده؟..:alien2:
هل هاتقدر تتخيل واحد من غير ايدين و رجلين و راس؟..
طب ليه الكائنات الفضائية ان وجدت ماتكونش أحادية الخلية؟.. زي الأميبا مثلا؟
حتى الأميبا شفناها و عارفين شكلها.. لكن مش قادرين نتصور ده..
و هنا نطلع بنقطة مهمة..
اذا كنت مش قادر تطلع بصورة خيالية من لا شئ.. هل ممكن الإنسان يتخيل الجنة و هو لم يرها؟.. استحالة.. الخوض في الغيبيات ليس من العقل بتاتا..
عشان كده عندما تحدث الحبيب في الحديث القدسي عن الله عز وجل
قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ قَالَ اللَّهُ أَعْدَدْتُ لِعِبَادِي الصَّالِحِينَ مَا لا عَيْنٌ رَأَتْ وَلا أُذُنٌ سَمِعَتْ وَلا خَطَرَ عَلَى قَلْبِ بَشَرٍ فَاقْرَءُوا إِنْ شِئْتُمْ (فَلا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ ) “
(
صحيح البخاري)
فـالخيال يـجب أن لا يجول في العالم الآخر وذلك لأن الخيال لا يأتي إلا لشيء من شيء أما من الجنة فلانرى منها شيئاً وقد قال العلماء:
نحن نكتفي بعالم الغيب بالخبر الصادق الذي ورد في كتاب الله
لا أقل.. ولا أكثر..
طيب اذا كنت عاجز عن تخيل الجنة.. و هي خلق من خلق الله.. فهل تقدر انك تتخيل ذات الله سبحانه و تعالى؟.. استحالة..
يقول الحبيب صلى الله عليه وسلم :
تفكروا بالمخلوقات ولاتفكروا في الخالق فتهلكوا “.
عقلك.. مربوط بحواسك.. و خيالك مرتبط بالواقع.. و عمرك ماهاتقدر تتخطى الواقع ده ابدا..
يعني خلاصة الكلام بنأكد تاني على نقطة محدودية الحواس.. حتى الخيال. و ان حتى الخيال عندما يعجز عن الوصول لشئ.. فده لا يعني ابدا ان الشئ غير موجود.. و لكن يعني ان العقل اللي ربنا كرمنا بيه له طاقة محدودة.. لحكمة أرادها الله سبحانه و تعالى..
مثلا.. ميزان طاقته 30 كيلو.. جيت حطيت عليه فيل.. هايحصل له ايه؟.. يتدشدش طبعا..
طيب هل ده معناه ان الميزان وحش؟.. مش كويس؟..
لأ الميزان كويس و زي الفل.. لكن آخره 30 كيلو و انت حطيت عليه فيل.. المشكلة في استخدامك انت مش في الميزان..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
مــراقــب الأدبــيــة مــراقــب الأدبــيــة
avatar

عدد الرسائل : 1067
تاريخ التسجيل : 25/07/2008

مُساهمةموضوع: رد: ولا يحيطون بشئ من علمه   الأحد يوليو 27, 2008 3:15 pm


عقلك هو الميزان.. و ييوم ماتحمله فوق طاقته.. طبيعي انه يفشل..
لأن زي ماقلنا.. العقل مرتبط بالواقع.. و الواقع فيه زمان و مكان. يعني يوم ما اقولك مثلا سمعت عن الحادثة الفلانية؟.. اول سؤال هاييجي في بالك.. امتى.. و فين؟. مش كده؟
هل يقدر عقلك يتصور حدث مالوش زمان ولا مكان؟..
و لكن الله سبحانه و تعالى.. ليس كمثله شئ.. لا يسأل عنه.. أين هو.. لأنه خالق المكان..
ولا يسأل عنه “متى كان”.. لأنه خالق الزمان.. فكلمة امتى و فين.. في حق الله سبحانه و تعالى مستحيلة..لأنه خالق الزمان و المكان..
عدد السنين دي من خصائص المخلوقات.. أما الله سبحانه و تعالى فالزمان بالنسبة له “صفر”.. لا يقيده زمان ولا مكان..
العقل محدود.. بما علمنا الله عز و جل..
وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء “ البقرة 255
ويقول الإمام الشافعي : “ إن للعقل حداً ينتهي إليه كما أن للبصر حداً ينتهي إليه،
ولـذلك فالـكرامـات مـوجـودة ولـكن الـعقل بصددها محدود الزمان والمكان فلا يمكن للعقل إدراكه ولكنه موجود مثلاً . قال الله تعالى في كتابه العزيز:
قَالَ الَّذِي عِندَهُ عِلْمٌ مِّنَ الْكِتَابِ أَنَا آتِيكَ بِهِ قَبْلَ أَن يَرْتَدَّ إِلَيْكَ طَرْفُكَ فَلَمَّا رَآهُ مُسْتَقِرّاً عِندَهُ قَالَ هَذَا مِن فَضْلِ رَبِّي لِيَبْلُوَنِي أَأَشْكُرُ أَمْ أَكْفُرُ وَمَن شَكَرَ فَإِنَّمَا يَشْكُرُ لِنَفْسِهِ وَمَن كَفَرَ فَإِنَّ رَبِّي غَنِيٌّ كَرِيمٌ (40)” النمل
أَنَا آتِيكَ بِهِ قَبْلَ أَنْ يَرْتَدَّ إِلَيْكَ طَرْفُكَ ، هـذا عـن عـرش بلقيس فكيف يتصور العقل ذلك ، تصور أنك تريد أن تنقله فعلاً فكم تستغرق من الوقت والجهد ومقدار الإمكانيات اللازمة لذلك .



وَلا يُحِيطُونَ بِشَيْءٍ مِنْ عِلْمِهِ إِلا بِمَا شَاءَ : ولذلك قال رسول الله صلى الله عليه وسلم في بعض أحـاديثه “ إذا ذُكرالقضاء والقدر فأمسكوا
أي لا تبحثوا كثيراً في ذات الله عـز وجل وبعلمه فهو يعـلم بلا كيف وهذا اختصار للبحث فـي علـم الله الـذي لا يمكـن أن يدركه عقـل ..
عندما يأتي الأمر الى ذات الله سبحانه و تعالى.. دايما حط الآيات دي قدام عينيك.. و احفرها في قلبك.. عيشها و استشعر معانيها..
قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُن لَّهُ كُفُواً أَحَدٌ (4) “

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
الفقيده
رئيسة المنتدى

رئيسة المنتدى
avatar

عدد الرسائل : 658
تاريخ التسجيل : 14/07/2008

مُساهمةموضوع: رد: ولا يحيطون بشئ من علمه   الأحد يوليو 27, 2008 11:03 pm

سبحاااان الله

اللهم زدنا يقينا وعلما وفقهنا في دينك يا ارحم الراحمين

اللهم قربنا إليك زلفاا

تقبل مرورى

_________________

http://www.shbab1.com/2minutes.htm

امحو كل ذنوبك ولو كانت مثل زبد البحر


مـ ـعـ ــاً فـ ــى الـ ــطــ ــريـ ــق إلـ ــى الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mntallah.yoo7.com
محمد منسى
مــراقــب الأدبــيــة مــراقــب الأدبــيــة
avatar

عدد الرسائل : 1067
تاريخ التسجيل : 25/07/2008

مُساهمةموضوع: رد: ولا يحيطون بشئ من علمه   الجمعة أغسطس 08, 2008 12:02 pm



شكرا شقيقتى الغاليه

منة اللــــــه

على مرورك الكريم

_________________




وصل اللهم على رسولك الكريم ونبيك العظيم
وشفعه فينا برحمتك يا أرحم الرحمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
ahmed_hamdy
مــشــرف عـــام

مــشــرف عـــام
avatar

عدد الرسائل : 49
العمر : 33
تاريخ التسجيل : 17/08/2008

مُساهمةموضوع: رد: ولا يحيطون بشئ من علمه   الأحد أغسطس 17, 2008 6:30 pm

شكرا على الموضوع
وجزاكما الله خير
ويارب فى تميز دائما

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Medo0o
مــشــرف عـــام

مــشــرف عـــام
avatar

عدد الرسائل : 207
العمر : 32
تاريخ التسجيل : 12/08/2008

مُساهمةموضوع: رد: ولا يحيطون بشئ من علمه   الإثنين أغسطس 18, 2008 1:15 am

لله موضوع فى غايه الجمال


تسلم ايدك


جزاك الله كل خير


تقبل مرورى

ميدو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد منسى
مــراقــب الأدبــيــة مــراقــب الأدبــيــة
avatar

عدد الرسائل : 1067
تاريخ التسجيل : 25/07/2008

مُساهمةموضوع: رد: ولا يحيطون بشئ من علمه   الأربعاء أغسطس 20, 2008 12:40 pm

شكرا للأستاذ الكبير / ميدو


مروره الكريم

شكرا للنبيل

أحمد حمدى

مروره الكريم

_________________




وصل اللهم على رسولك الكريم ونبيك العظيم
وشفعه فينا برحمتك يا أرحم الرحمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
 
ولا يحيطون بشئ من علمه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات منة الله :: {.:. إســلامــ ـــيــ ــات .:.} :: الحديث الشريف والخطب-
انتقل الى: