المعلم الأول

14- بدأ رسول الله تعقيباً على قوله: " رحم اللّه لوطاً كان يأوي إلى ركن شديد، وما بعث اللّه بعده نبياً إلا وهو في ثروة من قومه " (حسن).
وشعيب عليه الصلاة والسلام كان في منعة من قومه وهم الذين خافهم الكافرون فقالوا:
"قَالُواْ يَا شُعَيْبُ مَا نَفْقَهُ كَثِيراً مِّمَّا تَقُولُ وَإِنَّا لَنَرَاكَ فِينَا ضَعِيفاً وَلَوْلاَ رَهْطُكَ لَرَجَمْنَاكَ وَمَا أَنتَ عَلَيْنَا بِعَزِيزٍ" سورة هودج (91)
سنة الله.. عشان كده يشاء الله سبحانه و تعالى أن رسوله الى العالم كله.. شاء الله أن يكون أشرف مخلوق في الوجود..
زي ما أي دولة يوم مابتختار سفراء بتختار أكثر الناس لياقة اجتماعية و ثقافية و نفسية الخ.. فما بالك بسفير الله الى العالمين؟..
و عشان كده نلاقي الـ 13 سنة المكية يحياها الرسول و هو في منعة قومه..

و هانشوف سوا ان شاء الله حادثة عجيبة جدا.. الحصار و المقاطعة في شعب أبي طالب.. 3 سنين من الحصار و المقاطعة و التضييق على المسلمين..
مش غريب ان المسلمين ينحازوا الى الشعب مع الرسول و يتحملوا مالاقوا من الجهد 3 سنين..
لكن العجب كل العجب.. أن يصبر كفار بني المطلب على العذاب ده 3 سنين و أن ينحازوا الي الشعب مع الرسول في نفوسهم و إجلاله في قلوبهم على الرغم من ثباتهم على الكفر..
كانوا رجالة حتى مع كفرهم..دي المعادن النفيسة اللي حكالنا عنها النبي :
"الناس معادن كمعادن الذهب والفضة، خيارهم في الجاهلية خيارهم في الإسلام إذا فقهوا".
الناس معادن.. ياريتنا نفهم النقطة دي كويس جدا..
للأسف في ناس بتلتزم و تفتكر انها كده خلاص..يعتزلوا بقى المجتمع تماما لأن الناس مادام مش ملتزمين يبقوا مش كويسين.. ياسبحان الله.. امال مين اللي يحمل هذه الدعوة؟.. و كيف يحملها من يكره الناس؟..
للأسف شباب بالذات مابيقدرش يلقط المعنى الدقيق ده.. معنى أن تحب الشخص.. و تكره معصيته..
المسلم لا يكره أخاه المسلم .. و لكن يكره معصيته..و يتمنى له الهداية..
عمر الدعوة ماتيجي بالكره أبدا.. و لكن دعوة الإسلام دعوة حب.. فالناس جبلت على حب من أحسن اليها..
يعني نطلع من النقطة دي بايه.. اننا ننتقي من الناس العناصر ذات المعدن الطيب.. ندعوهم.. ناخد بايديهم.. مش معنى ان الإنسان على معصية انه مش كويس و اني انا أحسن منه.. سبحان الله.. حد فينا ضامن ربنا يختم له بخير؟.. نسأل الله حسن الخاتمة..

و قدامنا نماذج حية في أيامنا دي من ناس هداهم الله.. فبعد أن كانوا أعلاما في المعصية.. أصبحوا أعلاما لهدايةالناس .. كل واحد بيحاول يبذل جهده قدر استطاعته و قدر علمه.. على قد ماكانوا طاقة في الصد عن سبيل الله.. و كثير منهم بيكون في الموقف ده عن دون علم.. يعني مابيبقاش بقى مبيت النية ان هو يصد عن سبيل الله و يكره الناس في الدين و و و.. و لكن الناس فعلا مش لاقية اللي يعرفها دينها.. و ان لقت .. بيقابلوا منفرين كتير.. سبحان الله.. "ان منكم منفرين"..

أحد الفنانين اللي هداهم الله..يحكي و يقول.. انا كان اللي بيصدني عن الطريق انك تحس ان الشخص الملتزم ده بيكرهك لشخصك.. فطبيعي تنفر من شخص بيكرهك.. لكن ربنا كرمنا بناس.. ماقالولناش الفن حرام ولا انتوا صفتكم كذا و نعتكم كذا.. قالوا لنا حاجة واحدة بس.. "ان ربنا كويس.. ان ربنا كريم. ان ربنا بابه مفتوح… ان ربنا.. بيحبنا" يتيما.. من يتم الى يتم.. يموت أبوه و هو في بطن أمه.. و تموت أمه و سنه 6 سنين.. و يموت جده و عمره 8 سنين..
ليه يا رب؟.. حكمة الله عز و جل.. عشان ماحدش من البشر يتدخل في تربيته.. عشان ماحدش ييجي زي ماناس بتقول دلوقت ده محمد اتعلم الدين بتاعه من فلان أو فلان..
عشان مايتشربش بأي من أخلاق الجاهلية..
عشان يبقى تربية الله عز و جل.. زي سيدنا موسى عليه السلام لما قال الله له
"وَاصْطَنَعْتُكَ لِنَفْسِي " سورة طه (41)

" وَلِتُصْنَعَ عَلَى عَيْنِي " سورة طه (39)
و عشان يحس بآلام اليتامى .. واقع عاشه بنفسه.. و مش أي يتيم.. يتم الذكرى مع أبوه.. و يتم عاشه واقعا و معاناة في وفاة أمه و جده أمام عينيه.. عشان يكون أب لكل اليتامى حتى يقول قولته : " أنا وكافل اليتيم في الجنة كهاتين ".
من يربيك يا محمد؟.. الله.. و من يؤويك يا محمد؟.. الله
" أَلَمْ يَجِدْكَ يَتِيماً فَآوَى (6) وَوَجَدَكَ ضَالّاً فَهَدَى (7) وَوَجَدَكَ عَائِلاً فَأَغْنَى (" سورة الضحى
و مش بس كده.. ده لسة في الآخرة كمان يا محمد.. " وَلَسَوْفَ يُعْطِيكَ رَبُّكَ فَتَرْضَى (5)" سورة الضحى

3- و تكون رضاعته : "إن الّله يحب المؤمن المحترف يحب الذي يأكل من كسب يده (وأن نبي اللّه تعالى داود كان ياكل من كسب يده ).

جزاك الله خيرااا

الله يجزاكـ الجنه على هذا الطرح

مادة غنية

صلوات الله وسلامه على الحبيب المصطفى

صلى الله عليه وسلم

اللهم صلي وسلم وبارك على سيدنا محمد وعلى اله وصحبه وسلم تسليما كثيرا

سلمت يمينك استاذي الغالي

وشكر ملؤ السماء على هكذا عطاء

ترنيم الملائكه